#ПочниСоВодно

#ПочниСоВодно е настан на врвот на Водно, кој има за цел да понуди здрави навики на членовите на ова општество. Нема подобар почеток, велат, од искачувањето на врвот на Водно (1.067 мнв), што претставува одличен три часовен тренинг за сите сегашни и идни планинари, за постигнување и одржување на кондицијата.


#ПочниСоВодно е практички дружење на врвот на Водно, која има за цел да понуди здрави навики на членовите на ова општество. Нема подобар почеток, велат, од искачувањето на врвот на Водно (1.067 мнв), што претставува одличен двоиполчасовен тренинг за сите сегашни и идни планинари, за постигнување и одржување на кондицијата.

Мотото „Почни со Водно“, на социјалните мрежи и помеѓу помладата популација изминативе две години стана препознатлив синоним за вечерните планинарско-рекреативни дружби кои секој четврток, во попладневните часови, во организација на скопското планинарско друштво I love hiking (Го сакам планинарењето) се одржуваат на Водно.

image

Настанот во еден ден (четврток) го посетуваат од 50 до 600 посетители. Посетителите се од различни возрасти. Забавата што ја нудиме од година во година, привлекува се повеќе и повеќе луѓе. Сето тоа се следи на нашите дигитални медиуми. Фан страната на ФБ со 13к активни членови, YouTube каналот каде ги поттикнуваме со видеа, како и Instagram и Vimeo, канали кои се доста популарни во денешницава.

Од 2018 година на настанот се приклучија и две големи велосипедски друштва, така што опсегот на таргет групата е доста поширока. А во иднина планираме да приклучиме уште планинарски и велосипедски друштва.

Програма #ПочниСоВодно 2020


Отварање на настанот

Настанот ќе започне со свечено отварање на платото на ОУ “Кочо Рацин”, каде говор ќе земат претседателот на I love hiking и претставник на кабинетот на град Скопје. Поддржувачи на настанот, претставници на планинарски и бајкерски клубови. По отварањето ќе пешачиме до врвот на Водно, каде ќе се одржи свечен коктел.

Интернационална вечер

Вечер во која на секој амбасадор ќе му биде дозволено да си ја претстави својата земја преку традиционална музика, кујна и игри. Оваа вечер претставува одлична можност покрај дружбата да се даде внимание и на културата. Интернационалната вечер се оддржува се со цел запознавање на граѓаните со различните култури и традиции со што се придонесува кон градењето на идни космополити.

Хуманитарен хепенинг

По пат на предлози, избираме семејство или личност на кои/кој им е потребна еднократна помош. Со собирање на средства и донации како еден вид на оддолжување на граѓаните за 17те бесплатни настани кои ги добиваат, со мал придонес кон хуманоста да донираат за целата оваа забава што ја добиле цело лето. Хуманоста нема граници, затоа и секоја година на овој ден имаме повеќе од 600 граѓани кои се со нас горе на врвот.


Протокол за организација на #ПочниСоВодно

Во ПРОТОКОЛОТ за одржување на настанот ќе се придржуваме до сите мерки искажани од Министерството за здравство.

- Превозот секој си го обезбедува сам до почетокот на настанот

На почетокот и за време на искачувањето растојанието помеѓу учесниците да биде минимум 2 метри, а доколку не е возможно да се држи растојание задолжително е носење на заштитни маски.

- Поради избегнување на групирања, времето за искачување кон врвот на Водно ќе биде поместено од 17:30 до 18:30 часот. Почетокот на искачувањето ќе биде од повеќе стартни точки, како на пример: од Кисела Вода, Оу Кочо Рацин и Жданец (Македонско село).

image

- Да нема групирање на учесниците, повеќе од 5 планинари или велосипедисити при движење нагоре кон врвот.

- Растојанието на групите да не биде помало од 5 метри од една до друга група.

- Групите да имаат различни места за одмор за да не дојде до групирање на истите

- При застанување да нема групирања на повеќе од пет планинари.

- Задолжителна заштитна опрема за водичите: заштитна маска, ракавици.

- Задолжителна заштитна опрема за учесниците: заштитна маска, ракавици.

- Доколку во текот на искачувањето некој кашла, се препорачува тој член да ја пушти колоната и да остане последен во групата на самата опашка на колоната.

- При пристигнувањето на секој од учесниците ќе му биде измерена температура.

- Горе на платото на врвот Водно ќе имаме поставено маси налик буриња каде на секое од нив ќе стои течност за дезинфекција на раце. Самите буриња ќе бидат наместени на 3 метри растојание едни од други и групирањето ќе биде постојано потенцирано да не биде повеќе од пет учесници на масите.

- На самото плато на врвот на Водно ќе стојат редари облечени во жолти елечиња кои ќе ги потсетуваат присутните дека не треба да се собираат повеќе од дозволеното и на празниот простор помеѓу масите (бурињата) да нема повеќе лица од дозволеното.

image

- Платото ќе биде заградено од сите страни за да нема публика освен кај карпата каде ќе стои лента и редари за да се спречи симнување кон платото.

- Сите производи кои ќе се делат (банани и вода ќе бидат поделени од лице заштитено со маска и ракавици.

- Сите посетители ќе бидат обврзани да потшишат изјава дека ќе ги почитуваат сите протоколи искажани од министерството за здравство и од самиот настан.

- На платото ќе биде дозволено толку учесници колку што е пропишано со мерките од Комисијата за заразни болести.

- По краткиот одмор на врвот сите учесници безбедно по асфалтираниот пат ќе бидат симнати до ОУ Кочо Рацин. Патот e широк и тука растојанието на учесниците ќе биде големо.

- За време на целиот настан предвидено е обраќање од наши доктори, членови на клубот или симпатизери кои ќе дадат мал осврт на целата КОВИД-19 ситуација, а со тоа ќе дадеме акцент на безбедност на сите учесници за својата лична заштита од пандемијата. Сето тоа ќе се изведува на платото на врвот на Водно, каде дел од учесниците одмораат. (концептот од спорт е променет со поука за КОВИД-19 мерките)

- Предвидено е на секој настан да има од 50 до 100 љубители на природата, заедно со цела организација, редари и водичи и колку што собира платото со мерките предвидени за одалеченост од една маса до друга со растојание од 3 метри.

- Со самиот настан се подигнува имунитетот кај сите учесници, а со тоа се бориме против пандемијата индирекно.