Тим

Иван Киселоски Киц е голем љубител на планинарењето, кампувањето, спелеологијата, планината и природата воопшто.
Има искачено многу врвови во Македонија меѓу кои Голем Кораб, Титов врв, Љуботен, Солунска Глава, Среден камен, Веливар итн. Од врвовите со најубав поглед го издвојува врвот Плат.
Со планинарското друштво I LOVE HIKING – GROUP MACEDONIA планинари од регистрирањето на друштвото а негов член е од јануари 2018. Од декември 2018 како помошник водич дава придонес во организирањето на планинарските тури на друштвото. Во декември 2019 година по завршената обука според UIAA стандард, од страна на ФПСМ е промовиран во лиценциран планинарски водич во категоријата А1.
За I Love hiking ќе рече дека е едно големо семејство. Омилена планина му е Шара а најмогу сака да планинари во пролет... Уствари во лето... т.е. во есен... Или не... сепак во зима. Хоби му е да ги снима моментите од планинарските авантури и низ видео да ги доближи убавините на природата до сите.
Професионално работи во Црвен крст каде по потреба се вклучува во активностите на Тимот за одговор при катастрофи и Тимот за спасување на планина.
Неговите авантури може да ги следите на неговиот Youtube канал како и на неговиот инстаграм профил.

Владимир Павиќевиќ е вљубеник во природата, планините и животните. Планините и природата ги има засакано уште од мали нозе преку скијањето. Владимир има искачено повеќе врвови во Македонија и надвор од неа.
Лешница на Шар Планина и целиот предел околу Лешница му е омилен дел за планинарење.
Со планинарското друштво I LOVE HIKING – GROUP MACEDONIA е скоро две години, а од декември 2018 е помошник водич. Покрај планинарењето, тој сака да фотографира и пејсажи. Низ фотографиите сака да ги долови убавините на природата и планинарењето, а со тоа да привлече повеќе луге да уживаат во планините.
https://www.instagram.com/juicesk.

Славко е вљубеник во планината и планинарството од мали нозе и на планина се чуствува како дома, но позначајно и поактивно со оваа своја пасија се занимава од 2014 година. На клубот I Love Hiking Group Macedonia му се приклучува во 2017 година, заради атмосферата што владее на турите, каде веднаш си прифатен како еден од своите, како дел од фамилијата на Hiking. Омилена тура му е Матка - Водно и нормално омилена планина Водно, иако многумина ја потценуваат истата. Ги преферира езерските тури (Караниколички езера, Салакови езера, Црно езеро - Рудока итн.) заради сонцето, уживањето, хедонизмот и енергијата што се присутни на овие акции.

Позначајни врвови:

• Арарат - 5137 mnv (Турција)
• Мусала - 2925 mnv (Бугарија)
• Вихрен - 2914 mnv (Бугарија)
• Голем Кораб - 2764 mnv (Кораб)
• Титов Врв - 2747 mnv (Шар Планина)
• Бориславец - 2675 mnv (Шар Планина)
• Пелистер - 2601 mnv (Баба Планина)
• Солунска Глава - 2540 mnv (Јакупица)
• Пирибег - 2521 mnv (Шар Планина)
• Љуботен- 2498 mnv (Шар Планина)
• Плат - 2398 mnv (Шар Планина)
• Голем Крчин - 2343 mnv (Крчин)
• Бик Дорук - 2268 mnv (Стогово)
• Магаро - 2255 mnv (Галичица)... итн

“Качувајте се на планините... Но не за светот да може да Ве види, туку за да можете Вие да го видите светот“. - Дејвид МекКалах Џуниор

Јана е член на I Love Hiking Group Macedonia од 2020 година. Почетоците во планинарање ги бележи во 2015 каде за прв пат заедно со I love Hiking зема учество на искачување на врв Рудока со плажарење на Црно Езеро. Тогаш почнува нејзината пасија за искачување на сите врвови во Македонија и во соседството. Од 2020 година редовно е присутна на сите наши акции, а уште поредновна кога се работи за промовирање и организирање на нашите настани.

Ивана Иф Јовановска слободното време го поминува повеќе на планина отколку дома, бидејќи, како што вели таа, таму времето застанува и се воздигнува човечкиот дух. Планините и природата се местото каде се чувствува најжива и се пронаоѓа себеси, затоа и од таму црпи енергија. Во друштвото I Love Hiking Macedonia стартува во јули 2019 година со една уникатна тура на Даутица и од тогаш негува нераскинлива врска со клубот, како што таа љуби да го нарече “ФЕМИЛИ”.

Омилена и е најживописната Баба планина со својот Пелистер. Секоја планина има посебна енергија која вреди да се доживее. Така човек станува мудар и знае кој е вистинскиот еликсир на младоста. Омилен дел и е погледот од секој врв, кога дознаваш колку е моќен тој момент кога си таму горе високо, ја сознаваш големината на планината, те обзема и те носи за скала повисоко психички секој пат, со секој длабок здив што го испушташ низ височините. Поради големата страст за планините и преголемиот апетит за истите, планинското трчање и станува пасија, па почнува да учевствува на планински трки и зема замав се повеќе и повеќе. Ја издвојува Галичица Ултра Треил и ултра трката од 100км и 5000м денивелација, каде од врвот Магаро ги впиваш најпрекрасните пејсажи во Македонија. Планински велосипедизам и го буди адреналинот во поново време, а качување по карпи уште повеќе. Се што претставува активност на планина е добредојдено во нејзиниот живот. Интересното кај Иф е тоа што обожава да оди боса низ планините, впрочем се има искачено на многу врвови без обувки, затоа што така ја чувствува посилно конекцијата со Мајка Природа. За да го пренесе тоа незаменливо преубаво чувство и за да влијае на сите кои сакаат да започнат здрав живот, направи Еверестинг боса, на Водно, каде го поминува најголемиот дел од слободното време сама или пак со својата ќерка Меланија на која и ја пренесе љубовта за планините уште од најмали нозе. Ќе даде се од себе за да пренесе на сите околу неа колку е важно да ги уживаш убавините на планина и што тие значат за секој од нас.